Kjell Arve Straumsvågs antikvariat er ein del av Den norske bokbyen i Fjærland. Bokbyen vart grunnlagt i 1996 og var mellom dei ti første i verda. I dag er det seks butikkar som sel bøker i bokbyen.
Fjærland er ein del av Sogndal kommune ved Sognefjorden. Bygda ligg spennande til mellom fjord og fjell. Knappe to kilometer frå bokbyen finn du Norsk bremuseum.
Straumsvågs antikvariat vart oppretta i 2005. Antikvariatet flytta i 2018 inn i nye lokale ved Hotel Mundal. Som det gjerne er i bokbyar; vi tok i bruk det som var av ledige lokale. Butikken er delt på tre ulike hus, ein kjellaretasje på Hotel Mundal, dei tidlegare offentlege toaletta og det som står att av eit fjøs etter at nyvegen vart lagt gjennom den andre halvparten for ein del år sidan.
Sommarstid er butikken vår og resten av bokbyen open sju dagar i veka frå tidleg i mai til midten av september. Bortsett frå 17. mai. Midtsommars er opningstida 10-18 kvar dag. I starten og slutten av sesongen er opningstida stuttare. Kontakt oss gjerne for informasjon.
Det er lett å koma seg til Fjærland med ekspressbuss eller bil. Frå Bergen også med hurtigbåt. Wideroe flyg fast til Sogndal lufthamn.
I bygda er det fleire tilbod om både mat og overnatting. Kontakt Fjærland turistinformasjon på info@fjaerland.org. Frå mai til midten av september kan du og ringja 57 69 32 33.
